الشاكوش بعدة لغات شوف واتعلم

استعرض الموضوع السابق استعرض الموضوع التالي اذهب الى الأسفل

tموضوع جديد الشاكوش بعدة لغات شوف واتعلم

مُساهمة من طرف fido في الأحد مارس 08, 2009 10:33 am

شاكوش يعني واحد من الطرفين يخلي التاني ... لغير الناطقين باللهجة السودانية ..

لمن يزهج الولد من البت ويفكها عكس الكتاحة بمختلف

التخصصات ولغات التخصصات





كلية طب الأسنان
لمن يحصل تسوس بالشكل ده في حياتنا يا منال...لازم نقلع اسباب التسوس من جذوره.... التخدير الموضعي لآلمنا ما بحل المشكلة...ومحاولة التقويم فشلت معاكي للاسف..ودايما بتركبي لي ضرس ما ضرسك..عشان كده الجسر امتد وزاد بيناتنا ...وقدر ما حركت فكي معاكي برضو مصرة تجيبي لي التهاب في اللثة ...انتي بقيتي حشوة مؤقتة لقلبي وانا محتاج حشوة دااااااااااااااايمة



كلية هندسة الجينات
منال...انتي عارفة انو جيناتك هي السبب؟!!...ضعف المناعة العاطفي موروث في عيلتك.. أنا آسف بس أحماضنا النووية ما بتتفق ولازم نتحلل....وكلو كروموسوماية تمشي جهة
وكلو نواة تطلع خليته



كلية علوم الطيران
منال...يؤسفني اقول ليكي اني دقيت ليكي خروج نهائي من حياتي...اعمل شنو ياخ؟...انتي عارفة انو مكنة الحب بتخرب عاجلا ام آجلا..وبعدين انا زول درجة اولى وانتي يا دااااااااااب درجة الأفق
انا وانتي طيارتنا وررررررررر اقلعت ...ما تخلينا نهبط هبوط اضطراري برة مدرجات الحياة



كلية الموسيقى و المسرح و الدراما
اسمعيني يا منال انا بحبك مووووووووووووت ومتمني أعرسك الليلة قبل بكرة...اها نمشي نشتري الشبكة متين؟
رأيك شنو في الدور ده؟...ما انفع ممثل يا منال؟
اسمعيني يا منال...بصراحة السيناريو بتاع حبنا ده فيهو خروج عن النص...حياتنا بقت نشاز...وانا بفتكر اننا لازم نفكر في الحوارات البتدور بيناتنا على مسرح الواقع.... ولازم نعزف عزف انفرادي كلو واحد براااااااااااااااهو.. فهمتيني مش؟؟
هاااااا؟؟...لأ المرة دي انا جاااااااااااااااااااادي....تمثيل شنو يا دي؟
ما تفهمي ياااااااااااخ ..الا ألحن ليك كلامي ده ؟



كلية هندسة الاتصالات
بصراحة يا منال انا كنت قايلك في السلك...لاكين طلعتي موبايل بلا بطارية... انا وانتي لازم نقطع اتصالاتنا ببعض..انتي مرات مشغولة...ودايما مقطوعة ..المسافات بيناتنا زادت..ومشاعرنا بقت مشوشة لأنو عواطفنا للأسف بقت لاسلكية
ياخي باختصار...حبنا طلع برة الشبكة



كلية الهندسة الزراعية
عارفة يا منال؟...الحب ده بذرة دايرة ليها تربة ممتازة...وموية نضيفة...واضاءة كافية شان تنمو...وانت للأسف تربتك ما نضيفة وماااااااااااااااالحة تب... و مويتك ما ارتوازية....وكان لازم نحصد الفشل في علاقتنا دي..خلينا من التفرع في المواضيع الغير مورقة....علاقتنا اصيبت باليرقات وانتي للأسف استخدمتي المبيدات العاطفية من غير ما تكلميني..بعدين بصراحة انا خايف انو براعمنا في المستقبل يطلعو زيك كدا



كلية علم البصريات
منال انتي عارفة اني زول عندي بعد نظر..وشايف اننا ما بننفع لبعض...اقول ليكي أنا ما قادر اكمل.. حاكتب كلامي على ورقة...ركزي معاي وحاولي تقري الحروف دي
I

H
A
T
E

U
أها غمضي العين الشمال...وافتحي اليمين...قريتيها؟ ...... كلك نظر يا منال



كلية علم الكيمياء
شوفي يا منال لمن تحصل أكسدة بيناتنا ده معناتو اني قلوي...وانتي حااااااااااااااااااااااامضة ..انتي زمان كنت فلذة كبدي...لاكين انا بطلت أطلع مع اشباه الفلذات.. وبعدين القال تتفاعلي كدة منو؟...انتي ما عارفة انو التفاعلات العاطفية بتحول محلول المشاعر الى محلول لا لون له ولا رائحة؟
الحكاية دي فجرت معمل حبنا للأسف ...وبعدين انا اكتشفت لي عنصر مشع...وما مستعد اخليها عشان عنصر خامل زيك انتي



كلية علم الاقتصاد
عارفة يا منال...المشكلة ومافيها انو حصل ركود لمشاعرنا....والاسعار العاطفية انخفضت...حتى أسهم القلب بقت بمعدل سهم واحد لكل 100 نبضة.....وبعدين البضاعة العاطفية ما لعبة ياااااااااااخ
انتي مش عارفة انك حسب قانون العرض
والطلب لمن تزيدي في كمية الحنان ممكن يحصل نقصان في سعر العاطفة؟



كلية الآداب قسم علم الآثار
منال اسمحي لي انك تحفة مزيفة....الجكس كلهم تحف عتيقه و نادرة الا انتي.. ما عندك غير فك الرموز بالطريقة التعجبك...تنقبي عن المشاكل تنقيب...وبعدين انا وانت اساسا حضاراتنا مختلفة من البداية...وافتكر حقو ندفن البيناتنا بعد ده.... هووووووووووي مالك بتعايني لي كدا...ما فهمتي؟...ليــــــــــــه أنا بتكلم لغة مسمارية ولا شنو؟...شنو لعنة الفراعنة الانا اتبليت بيها دي



كلية الفيزياء قسم العلوم الفلكية
اسمعي يا منال انتي ما لاحظتي انو سنتنا الضوئية مرت بسرعة؟
يا بت الحلال الشمس والقمر ما بتلاقو في سما وااااااااحدة...يعني
باختصار نجم حبنا أفل... وبعدين انا كنت قايلك مجرة مختلفة عن باقي المجرات...كنت قايل ما ليك زي في الكون...طلعتي ثقب اسود في حياتي...وانا بالشكل ده ح الف معاك مدارات الحياة من غير اي هدف
أفتكر كلامي واضح وضوح كوكب الزهرة الساعة 4 الفجر



كلية علوم البحار
اسمعي هنا ده... مركب فيهو قبطانين بغرق أديــــــل كدة...وبعدين انتي ما ملاحظة اننا دايما ماشين عكس التيار؟....وانو أمواج الحياة بترزع في مركبنا ده يمين وشمال من غير اي سبب...انت ليــــــــــــــــــــــه مصرة تغرقيني معاك يا منال؟... ياخي انا زهجت من المد والجزر الحاصل لي بسببك
يلا بعد ده نزلي شراعك من حياتي ...واقطعي خطافك عني
البحر ملاااااااااااااااان اسماك
[center]

fido

المساهمات : 5
تاريخ التسجيل : 08/03/2009

الرجوع الى أعلى الصفحة اذهب الى الأسفل

tموضوع جديد رد: الشاكوش بعدة لغات شوف واتعلم

مُساهمة من طرف bOy_JaD في الأحد مارس 08, 2009 12:09 pm


هههههههههههههههههههههه
الله يكفينا شر الشواكيش
مشكور

bOy_JaD
مدير عام
مدير عام

المساهمات : 22
تاريخ التسجيل : 06/03/2009
الموقع : uk

الرجوع الى أعلى الصفحة اذهب الى الأسفل

tموضوع جديد رد: الشاكوش بعدة لغات شوف واتعلم

مُساهمة من طرف نونا في الإثنين مارس 09, 2009 7:33 am

ههههههه مشكور فيدو
avatar
نونا
مشرف عام
مشرف عام

المساهمات : 42
تاريخ التسجيل : 05/03/2009

الرجوع الى أعلى الصفحة اذهب الى الأسفل

tموضوع جديد رد: الشاكوش بعدة لغات شوف واتعلم

مُساهمة من طرف ود حيدر في الإثنين مارس 09, 2009 7:47 am

ههههههههههههههههه حلوه منك يا ولدنا

ود حيدر
مدير عام
مدير عام

المساهمات : 31
تاريخ التسجيل : 02/03/2009

http://huseen.akbarmontada.com

الرجوع الى أعلى الصفحة اذهب الى الأسفل

tموضوع جديد رد: الشاكوش بعدة لغات شوف واتعلم

مُساهمة من طرف ashrafbrkat في الإثنين مارس 09, 2009 7:54 am

ههههههههههههههههههههههه

والله ابدعت فيها
avatar
ashrafbrkat
مشرف عام
مشرف عام

المساهمات : 26
تاريخ التسجيل : 05/03/2009

الرجوع الى أعلى الصفحة اذهب الى الأسفل

tموضوع جديد رد: الشاكوش بعدة لغات شوف واتعلم

مُساهمة من طرف karber في الإثنين مارس 09, 2009 10:27 am

هههه فيدو

karber

المساهمات : 32
تاريخ التسجيل : 09/03/2009

الرجوع الى أعلى الصفحة اذهب الى الأسفل

tموضوع جديد رد: الشاكوش بعدة لغات شوف واتعلم

مُساهمة من طرف هلالابي في الثلاثاء مارس 17, 2009 3:08 am

مبالغه لكن
avatar
هلالابي

المساهمات : 17
تاريخ التسجيل : 16/03/2009

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى